Kjúklingur með furuhnetum.

Þennan rétt fékk ég hjá Höllu mágkonu minni og er hann mjög einfaldur og fljótlegurog hafa ættingjar og vinir kolfallið fyrir honum.

 

Kjúklingaréttur með furuhnetum f. 2  (en mjög einfalt er að gera uppskriftina fyrir  fleiri )

2 stk kjúklingabringur

 

1 poki rifið salat

1 pakki ferskt tagliatelle rana 250gr poki

50 gr.  ristaðar furuhnetur.

Kryddblanda ( gott er að byrja að útbúa blönduna)

2-3 mtsk Olive olía

1 tsk Balsam edik vinegar

smátt rifinn sítrónubörkur af 1/2 sítrónu

2 hvítlauksrif

1 mtsk steinselja

Öllu blandað saman í skál og er aðferðin þessi:

Bringurnar eru skornar í litla bita og steiktar uppúr olíu ásamt því að krydda þær

 

 

 

 

 

 

 

 

 

 

með salti, pipar og kjúklingakryddi. Pastað er soðið og salatið sett í stóra skál.

Þegar pastað er tilbúið er það sett ofan á salatið og kjúklingabitunum bætt ofan á.

Þá er kryddblöndunni hellt yfir og að lokum er furuhnetunum bætt ofan á allt saman.

Gott er að hræra uppí réttinum áður en hann er borinn á borð en þetta er borið fram með heitu brauði og feta osti.

Ég vil svo að lokum skora á litla bróður minn Friðrik Jónsson að koma með næstu uppskrift!

Þórhildur Jónsdóttir.