18. apr
Tap hjá stelpunum á heimavelliÍþróttir - - Lestrar 436
Völsungsstelpurnar fengu Hött frá Egilstöðum í heimsókn í fyrradag og leikið var á gervigrasvellinum.
Fyrsti leikurinn á Húsavíkurvelli í ár.
Liðin eru í 3. riðli C-deildar Lengjubikarsins og skemmst er frá því að segja að gestirnir fóru heim með öll stigin sem í boði voru. Þær skoruðu þrjú mörk en Jóney Ósk Sigurjónsdóttir lagaði stöðuna fyrir heimamenn með marki í blálokin. Sem sagt 1-3.
Höttur er á toppi riðilsins með 10 stig eftir fjóra leiki , Tindastóll í öðru með 7 stig eftir þrjá leiki og Völsungur í þriðja sæti með 3 stig eftir þrjá leiki.