Sjóræningjaprinssesan frumsýnd í gær

Sögustund á Sporðlausu hafmeyjunni.

Leikfélag Húsavíkur frumsýndi í gær Sjóræningjaprinsessuna í Samkomuhúsinu á Húsavík.

Svo skemmtilega vildi til að frumsýningin bar upp á 118 ára afmælisdag leikfélagsins.

Eins og áður hefur komið fram á 640.is er höfundur verksins Ármann Guðmundsson sem Þingeyingar þekkja vel líkt og Guðmund Svavarsson sem samdi tónlistina í verkinu ásamt Ármanni. Ármann samdi einnig söngtextana ásamt Sævari Sigurgeirssyni.

Leikstjóri verksins er hin góðkunna María Sigurðardóttir.

Sem sagt frumsýningin var í gær og leikritið hin besta skemmtun, um að gera að líta ævintýrið eigin augum og fara í skemmtilegt ferðalag í gamla Samkomuhúsinu.

Með helstu hlutverk fara Sigurður Illugason, Friðrik Marinó Ragnarsson, Friðrika Bóel Jónsdóttir og Jóhannes Óli Sveinsson.

Hér koma myndir sem ljósmyndari 640.is tók á rennsli í vikunni sem og á frumsýningunni en best er að smella á þær, fletta þeim og skoða í stærri upplausn.

Sögustund á gistihúsinu Sporðlausu Hafmeyjunni.

Friðrika Bóel Jónsdóttir leikur Soffíu sjóræningjaprinsessu.

Húsbandið á Sporðlausu hafmeyjunni

Kristján Þór Magnússon sveitarstjóri Norðurþings afhenti Kolbrúnu Ödu Gunnarsdóttur formanni LH blómvönd í tilefni frumsýningar og afmælis.