Mótmæla harðlega fyrirhugaðri sameiningu FSH og MTR við MA

Sjálfstæðisfélag Húsavíkur og nágrennis mótmælir harðlega fyrirhugaðri ákvörðun um að sameina Framhaldsskólann á Húsavík og Menntaskólann á Tröllaskaga við Menntaskólann á Akureyri, en sú ákvörðun kom skýrt fram á fundi stjórnenda þessara skóla með fulltrúum menntamálaráðuneytis á Akureyri hinn 13. maí 2015. 

Ljóst er, að ef af sameiningu yrði, er vegið mjög harkalega að nemendum þessara tveggja skóla, fjölskyldum þeirra, sem og sveitafélögunum tveimur, í menntunar-, atvinnu- og fjölskyldulegu tilliti. Full ástæða er til að reynsla skeri úr um hvaða áhrif stytting náms til stúdentsprófs hefur í þessum skólum, áður en krafa er gerð um sameiningu þeirra og að skerða þar með sjálfstæði þeirra.

Annað er vantraust á skólana og starfsmenn þeirra og aðför að byggðarlögunum.

Stjórnin.