Lengjubikarinn - Stelpurnar með stórsigur fyrir austan

Krista Eik skoraði tvö mörk í kvöld.

Völsungsstelpurnar gjörsigruðu í kvöld sameinað lið Fjarðabyggðar, Hattar og Leiknis F. í lokaumferð riðlakeppni Lengjubikarsins.

Leikið var á Fellavelli lauk leiknum  6-1 og skoruðu þær Krista Eik Harðardóttir og Harpa Ásgeirsdóttir sína tvennuna hvor.

Lovísa Björk Sigmarsdóttir og Kayla June Grimsley, sem var að leika sinn fyrsta leik fyrir Völsung, skoruðu sitt markið hvor.

Völsungar eru á toppi þriðja riðils 3 C-deildar Lengjubikarsins en Hamrarnir geta endurheimt toppsætið með sigri gegn botnliði Einherja á laugardaginn.