22. feb
Húsnæðið að Langanesvegi 2 í eigu sveitarfélagsinsAlmennt - - Lestrar 367
Langanesvegur 2. Lj. langanesbyggd.is
Á síðasta fundi sveitarstjórnar Langanesbyggðar, 15. febrúar sl., var samþykkt að heimila sveitarstjóra að undirrita kaupsamning á húsnæðinu að Langanesvegi 2, stundum nefnd Jónsabúð.
Á heimasíðu Langanesbyggðar segir að húsnæðið hafi staðið autt í mörg ár og verið til vansa í mörg ár.
Samþykki sveitarstjórnar er gert með fyrirvara um að engir alvarlegir gallar komi fram við úttekt á húsinu.
"Á næstu vikum verður mótuð stefna um hvað gert verður við húsið, en núna skapast tækifæri á að koma því í gagnið samfélaginu til hagsbóta," sagði Þorsteinn Ægir Egilsson, oddviti Langanesbyggðar aðspurður um kaupin. (langanesbyggd.is)
640.is á Facebook