Guðmundur Árni og Sigurjón fengu heiðursviðurkenningu fyrir brautryðjendastarfÍþróttir - - Lestrar 496
Á samkomu Völsungs í gær fengu Guðmundur Árni Ólafsson og Sigurjón Ármannsson heiðurs-viðurkenningu fyrir brautryðj-endastarf í hlaupaíþróttinni hér á Húsavík.
"Þeir félagar hafa hlaupið í áratugi. Voru hlaupandi í allskonar veðrum löngu áður en íþróttin náði almennilegri fótfestu.
Líklega hafa margir talið þá hálfbilaða að djöflast þetta ár eftir ár.
Nú er ört vaxandi hlaupahópurinn í almenningsíþróttadeildinni og ljóst að þeir Guðmundur og Sigurjón eru áhrifamenn á þeirri vegferð". Sagði Jóhann Kr. Gunnarsson sem stýrði samkomunni.
Það var formaður Völsungs Bergþóra Höskuldsdóttir sem afhenti Guðmundi Árna viðurkenninguna en Sigurjón Ármannsson var fjarverandi.
Guðmundur Árni Ólafsson.
Sigurjón Ármannsson lengst th. ásamt félögum sínum úr Hlaupahópnum Skokka.
Ljósmynd af Fésbókarsíðu Hlaupahópsins Skokka.