Guðbjartur Ellert leiðir E- Lista Samfélagsins

Guðbjartur Ellert Jónsson leiðir E-lista Samfélagsins sem býður fram óháðan framboðslista metnaðarfullra og drífandi einstaklinga til sveitarstjórnarkosninganna í Norðurþingi árið 2018.

Í tilkynningu segir að Listi Samfélagsins leggi áherslu á ábyrga stjórnun með það að leiðarljósi að þjónusta sveitarfélagsins mæti þörfum íbúanna. Mikilvægt er að tryggja hagsæld, fjölbreytta atvinnumöguleika og félagslegan stöðugleika til framtíðar fyrir alla. Við viljum hlúa betur að innviðum samfélagsins, þörfum einstaklinga jafnt sem fyrirtækja á svæðinu öllu svo það geti haldið áfram að byggjast upp og blómstra.

Frambjóðendur listans eru í senn reynslumiklir einstaklingar úr fjölbreyttu umhverfi atvinnulífsins ásamt kraftmiklu ungu fólki. 

Eins og áður segir leiðir Guðbjartur Ellert Jónsson, framkvæmdastjóri og fyrrum fjármálastjóri Norðurþings, listann. Hafrún Olgeirsdóttir, lögfræðingur og knattspyrnukempa, skipar annað sætið. Kristján Friðrik Sigurðsson, fiskeldisstjóri, það þriðja. Í fjórða sæti listans er Elís Orri Guðbjartsson, alþjóðastjórnmálafræðingur. Davíð Þórólfsson, einn af okkar allra bestu húsasmiðum, skipar það fimmta. Í sjötta sætinu situr Arna Ýr Arnarsdóttir, skrifstofu- og fjármálastjóri. Þorgrímur (Sassi) Jónsson, atvinnubílstjóri og reynslubolti situr í því sjöunda. Unnur Sigurðardóttir, grunnskólakennari, í því áttunda. Hafþór Hermansson, nemi og rísandi golfstjarna, skipar það níunda og Ásta Hermannsdóttir, vörustjóri og crossfit þjálfari, það tíunda. 

Gerum gott samfélag enn betra. 

1. Guðbjartur Ellert Jónsson Framkvæmdastjóri 

2. Hafrún Olgeirsdóttir Lögfræðingur 

3. Kristján Friðrik Sigurðsson Eldisstjóri hjá Fiskeldinu Haukamýri 

4. Elís Orri Guðbjartsson Alþjóðastjórnmálafræðingur

5. Davíð Þórólfsson Húsasmiður 

6. Arna Ýr Arnarsdóttir Skrifstofu- og fjármálastjóri hjá FSH

7. Þorgrímur Jónsson Atvinnubílstjóri 

8. Unnur Sigurðardóttir Grunnskólakennari 

9. Hafþór Hermannsson Nemi  

10. Ásta Hermannsdóttir Vörustjóri lokaafurða hjá PCC

11. Jónas Emilsson Veitingamaður

12. Þorgrímur Jóel Þórðarson Skipstjóri 

13. Bergur Jónmundsson Bankastarfsmaður

14. Sigríður Axelsdóttir Veitingastjóri

15. Björn Sigurðsson Framkvæmdastjóri 

16. Svava Hlín Arnarsdóttir Framkvæmdastjóri 

17. Sveinn Birgir Hreinsson Húsvörður 

18. Guðmundur A. Hólmgeirsson  Útgerðarmaður