Gamla myndin - Álfakóngur og drottning hans árið 2005Gamla myndin - - Lestrar 762
Fyrsta gamla myndin sem birtist á þessu ári er tíu ára gömul og var tekin við Þrettándabrennuna það ár.
Á henni eru álfakóngur og drottning hans en það voru þau Stefán Jón Sigurgeirsson og Halla Björg Albertsdóttir sem voru í hlutverkum þeirra.
Að kveldi Þrettándans sagði á mbl.is:
Húsvíkingar kvöddu jólin með þrettándagleði í stilltu veðri nú síðdegis en á ýmsu hefur gengið þessi jólin veðurfarslega séð og svo fengu bæjarbúar jarðskjálfta í ofanálag í gær. Dagskráin sem var í höndum ungra knattspyrnumanna og kvenna í Völsungi hófst við Íþróttahöllina en þaðan var gengið niður á uppfyllingu í suðurfjörunni.
Í göngunni þar sem álfadrottnig og -kóngur voru ásamt fríðu föruneyti í broddi fylkingar voru m.a. púkar og tröll auk bæjarbúa. Á uppfyllingunni var söngur og gleði, kveikt var í brennu og flugeldasýning á vegum Kiwanisklúbbsins Skjálfanda.
Álfakóngur og drottning hans á því herrans ári 2005.
Með því að smella á myndin má skoða hana í stærri upplausn.