Bændagleði í NerjaFerðalög - - Lestrar 291
Þann 15. maí ár hvert er San Isidrohátíðin á Spáni en þá er dýrlingurinn San Isidro hylltur en hann er dýrlingur bænda og verkamanna.
Hér í Nerja var hátíðin fjölmenn en bændur úr sveitinni og þorpununum í kring komu á ýmsum landbúnaðartækjum og drógu litríka vagna um göturnar áleiðis í Nerjahellana þar sem aðalhátíðin fór fram.
Á undan fóru uxar fyrir vagni með líknesi af San Isidro en skrúðgangan hófst við El Salvadorkirkjuna en fyrir henni riðu knapar á sínum glæsilegu Andalúsíuhestum.
Konur voru margar hverjar í flamengókjólum sem gera hátíðina enn litríkari en myndir segja oft meira en orð fá lýst og hér koma nokkrar sem skoða má í hærri upplausn og fletta ef ýtt er á þær.