04. maí
Völsungar styrkja sig fyrir baráttuna í sumarÍþróttir - - Lestrar 228
Meistaraflokkur Völsungskvenna í knattspyrnu hefur fengið góðan liðsstyrk erlendis frá fyrir komandi tímabil.
Markvörðurinn Mar Sánchez Celdrán er ungur og efnilegur leikmaður sem kemur til með að verja mark Völsunga í 2.deildinni í sumar.
Einnig hefur sóknarþenkjandi miðjumaðurinn Samara Lino skrifað undir samning við Völsung um að leika með liðinu út leiktíðina. Samara kemur frá Brasilíu og hefur leikið í háskólaboltanum í USA. Hún er leikin, útsjónarsöm og marksækin og á klárlega eftir að styrkja sóknarleik liðsins í sumar.
Mikil ánægja er í herbúðum Völsungs með undirskriftirnar og væntir félagið mikils af þeim Mar og Samara í sumar.
Meistaraflokksráð kvenna vinnur í þessum töluðu orðum að klára síðustu samningana við yngstu leikmenn liðsins fyrir sumarið enda er hugur í öllum að gera tímabilið 2021 eftirminnilegt!