Sveitarstjóraskipti í Þingeyjarsveit

Gerður Sigtryggsdóttir.

Þær breytingar hafa orðið á starfsmannahaldi Þingeyjarsveitar að Ragnheiður Jóna Ingimarsdóttir hefur lokið störfum og Gerður Sigtryggsdóttir hefur verið ráðin sem sveitarstjóri. 

Í tilkynningu er fráfarandi sveitarstjóra þökkuð góð störf í þágu sveitarfélagsins og óskað farsældar í lífi og starfi í framtíð.

Gerður tekur strax við starfinu með formlegum hætti og mun leiða starfsemi sveitarfélagsins til loka kjörtímabils.