08. nóv
Skonnortan Opal verður í Reykjavík í veturFréttatilkynning - - Lestrar 494
Opal leggur í´ann síðegis í gær.
Á meðan haustið fýkur burt siglir skonnortan Opal frá Húsavík, vestur fyrir land og til Reykjavíkur.
Opal kemur til hafnar í Reykjavík milli kl. 13:00 - 14:00 á morgun og leggst að bryggju við Tónlistarhúsið Hörpu þar sem hún mun hafa aðsetur í vetur.
Frá Hörpunni verður siglt í dag- og kvöldferðir með hópa af öllu tagi, hvort sem það eru tónleikagestir, siglarar, brúðkaup, norðurljós, fuglaskoðun eða fyrirtækjafundir.
Opal er 32 metra tvímastra skonnorta sem byggð var árið 1952. Hún hefur síðan verið endurbyggð til ferða með farþega og hefur nú, auk klefa fyrir farþega til gistingar í lengri ferðum, notalega setustofu í dekkshúsi og rúmgóðan borðsal með viðarkamínu neðan þilja.
Opal bættist í flota Norðursiglingar fyrr á þessu ári og hefur í sumar siglt um Scoresbysund á norðaustur Grænlandi, með farþega í lengri ferðum.
640.is á Facebook