Norðurþing og Björgunarsveitin Garðar efla samstarf

Norðurþing og Björgunarsveitin Garðar skrifuðu í dag undir styrktarsamning sem er framlenging á samningi við Björgunarsveitina til þriggja ára skv. samþykkt byggðarráðs á fundi ráðsins 30. apríl sl. 

Í tilkynningu segir að með samningnum séu tengslin efld í því skyni að almannavarna- og æskulýðsstarf verði áfram þróttmikið, íbúum sveitarfélagsins til heilla. 

Tengiliður Norðurþings við Björgunarsveitina er íþrótta- og tómstundafulltrúi en innan björgunarsveitarinnarer unnið öflugt sjálfboðaliðastarf og er framlag sjálfboðaliða ómetanlegt fyrir samfélagið allt.

Ingibjörg Benediktsdóttir frá Björgunarsveitinni Garðari og Katrín Sigurjónsdóttir sveitarstjóri.

Ljósmynd Norðurþing.