Kjarasamningur undirritaður við PCCAlmennt - - Lestrar 183
Í dag var undirritaður nýr kjarasamningur milli Framsýnar/Þingiðnar og PCC á Bakka.
Samningurinn gildir frá 1. nóvember sl. til 31. janúar 2024.
Kjarasamningurinn er sambærilegur kjarasamningi Starfsgreinasambands Íslands/Samiðnar og Samtaka atvinnulífsins sem um 86% félagsmanna Framsýnar samþykktu í atkvæðagreiðslu. Samningurinn var einnig samþykktur af félagsmönnum Þingiðnar í rafrænni atkvæðagreiðslu.
Fram kemur á heimasíðu Framsýnar að ánægja sé með samninginn meðal starfsmanna og stjórnenda fyrirtækisins. Þá var ákveðið að taka önnur atriði en laun til umræðu í haust, það er fyrir utan bónuskerfið sem þegar er hafin endurskoðun á.
Trúnaðarmenn starfsmanna og stjórnendur PCC munu þróa kerfið áfram í samráði við Samtök atvinnulífsins og stéttarfélögin, Framsýn og Þingiðn.