Góður liðsmaður Safnahússins

Per með Árbækur Þingeyinga innbundnar.

Snemma í vetur kom Per Langsöe Christensen að máli við Jan Aksell Klitgaard forstöðumann Menningamiðstövar Þingeyinga og bauð sig fram til sjálfboðavinnu fyrir Safnahúsið.

Þar sem Jan hefur oft leitað til Pers til að fá fornbækur bundnar inn kom snemma upp sú hugmynd að Per myndi binda inn þá árganga Árbókar Þingeyinga sem óbundnir voru og til í handbókasafni Menningarmiðstöðvar Þingeyinga.

Ákveðið var að breyta útliti bókanna til að merkja þáttaskilin í vinnulagi og í gær kom Per í Safnahúsið og afhenti bækurnar innbundnar. 

Frá þessu segir á Fésbókarsíðu Safnahússins en í gegnum tíðina hefur fólk oft lagt Menningarmiðstöð Þingeyinga hjálparhönd í formi sjálfsboðavinnu og er sá áhugi og alúð sem heimamenn sýna stofnuninni mikilvægur.

Per er ekki sá eini sem vinnur þessa dagana í sjálfboðavinnu við safnið því  Kristbjörg Jónasdóttir vinnur við að greina ljósmyndir og þá hefur Elena Schneider unnið að skönnun bjórmiðasafns Þórðar Jónssonar.

Per Langsöe Christensen með Árbækur Þingeyinga sem hann batt inn fyrir Safnahúsið.

Ákveðið var að breyta útliti bókanna til að merkja þáttaskilin í vinnulagi.

Meðfylgjandi myndir eru fengnar af Fésbókarsíðu Safnahússins/MM.