Friðarlaupið kemur til Húsavíkur í dag

Dagana 20.júní - 12. júlí er hlaupið Friðarhlaup um allt Ísland.

Þá mun 16 manna alþjóðlegur hópur hlaupara bera logandi Friðarkyndil á milli byggða til að gefa öllum landsmönnum tækifæri á að taka þátt í viðburði sem hefur að leiðarljósi hugsjónir sáttar og samlyndis.

Mikil áhersla er lögð á þátttöku barna og ungmenna, sem er skipulögð í samstarfi við íþrótta- og ungmennahreyfingar á hverjum stað.

Friðarhlaupið, eða Sri Chinmoy Oneness-Home Peace Run, eins og það nefnist á ensku, er alþjóðlegt kyndilboðhlaup sem fer fram í öllum heimsálfum ár hvert.  Hlaupið var stofnað árið 1987 og er kennt við indverska friðarfrömuðinn Sri Chinmoy (1931-2007) sem m.a. opnaði íslenska Friðarhlaupið árið 1989.

Þetta verður í 20. sinn sem hlaupið er á Íslandi.  Hlaupið verður í sveitarfélögum um allt land og plantað verður friðartrjám um allt land meðfram hlaupinu.

FRIÐARHLAUPIÐ KEMUR TIL HÚSAVÍKUR LAUGARDAGINN 29. JÚNÍ.

Dagskrá:

kl.12.45 – Hist við pósthúsið í Húsavík

kl.12.50 – Hlaupið af stað að skrúðgarðinum

kl.13.00-13.30 – Friðartré plantað og dagskrá í skrúðgarðinum þar sem m.a. Friðarkyndillinn verður látinn ganga manna á milli.

fridarhlaup.is

Fréttatilkynning.