Ekkert skólahald í Borgarhólsskóla út vikuna

Skólahald hefur verið fellt niður í Borgarhólsskóla þessa vikuna. Vonast er til að skólastarf geti hafist næstkomandi mánudag, 11. október, með eðlilegum hætti. 

Í tilkynningu frá skólanum segir að þetta sé gert í ljósi ástandsins í samfélaginu er varðar heimsfaraldur covid-19 og sóttkvíar hjá stórum hópi starfsfólks. Sömuleiðis er Frístund lokuð.