Bjóða fram undir listabókstafnum P

Píratar hafa fengið listabókstafinn P samþykktan fyrir framboð sitt til næstu Alþingiskosninga.

Í síðustu Alþingiskosningum var notast við bókstafinn Þ, enda var P-ið ekki á lausu þar sem það hafði verið notað sem listabókstafur annars flokks í kosningunum á undan.

Í fréttatilkynningu segir  að Píratar fagni því að P-ið sé nú þeirra og hlakkar þá til að sjá sem flesta merkja X við P í komandi Alþingiskosningum. Þá ítreka Píratar það við stjórnvöld að fastsetja dagsetningu kosninga sem allra fyrst.