Bætt aðstaða við Húsavíkurhöfn

Léttbátar við flotbryggjuna í norðurhöfninni.

Á dögunum var malbikaður göngustígur meðfram grjótgarðinum á landfyllingunni í Norðurhöfninni á Húsavík.

Frá þessu segir á heimasíðu Norðurþings.

Í vor var einnig komið fyrir flotbryggju sunnan við Slökkvistöðina fyrir aðkomu léttabáta úr skemmtiferða-skipum sem liggja við akkeri út á flóanum.

Þessar framkvæmdir eru til að bæta aðgengi fyrir farþega skemmtiferðaskipa en komum þeirra hefur fjölgað til Húsavíkur en gert er ráð fyrir allt að 70 komum farþegaskipa í sumar og fleiri á komandi árum.