16. ágú
Aflaverðmæti grásleppu 942 milljónirAlmennt - - Lestrar 525
Sigurður Kristjánsson grásleppusjómaður.
Grásleppuafli undanfarin þrjú ár hefur tæpast svarað eftirspurn kaupenda, jafnt framleiðsluaðilum á grásleppukavíar og á frystri grásleppu til Kína.
Það hefur skilað sér í hækkun á verði og fært sjómönnum betri afkomu en frá þessu er greint á heimasíðu Landssambands smábátaeigenda.
Á undanförnum árum hefur sala á grásleppu þróast úr því að eingöngu var markaður fyrir hrognin í að fiskurinn er nú seldur heill og óskorinn. Eins og gjarnan var með sölu grásleppuhrogna eru verðsveiflur tíðar.
Á tímabilinu 2013 - 2018 hefur meðalverð lægst farið í 155 kr/kg en hæst í 210 kr/kg á síðustu vertíð. 35% verðhækkun á tveimur árum er líklegast met í verðhækkun til sjómanna hér við land.
Þess ber þó að geta að verðið á vertíðinni 2015 var 204 kr/kg sem sýnir glöggt að afkoma sjómanna af veiðunum nú er lakari en þá var.
Útflutningsafurðir grásleppu eru þrenns konar.
• Fullunnin vara - grásleppukavíar• Söltuð grásleppuhrogn• Fryst grásleppa án hrogna• Fersk grásleppuhrogn (í litlum mæli)
Á árinu 2017 nam útflutningsverðmæti þessara afurða 1.789 milljónum. Miðað við verðhækkanir sem orðið hafa á árinu má búast við góðri aukningu verðmæta milli ára. Sérstaklega í frosinni grásleppu þar sem útflutningsverð á fyrstu 6 mánuðum ársins er 40% hærra en það var í fyrra.
Samanburður fyrstu 6 mánaða 2017 og 2018 staðfestir fyrirsjáanlega aukningu. Í ár hafa þeir skilað 896 milljónum á móti 629 milljónum á sama tímabili í fyrra.
640.is á Facebook