5,5 milljónum úthlutað úr Samfélagssjóði Landsvirkjunnar

09. jan

5,5 milljónum úthlutað úr Samfélagssjóði Landsvirkjunnar
Almennt - - Lestrar 283

Skömmu fyrir jól var fimm og hálfri milljón úthlutað úr Samfélagssjóði Landsvirkjunar til góðra verkefna um land allt.

Sjóðurinn úthlutar alls 10 milljónum árlega í tveimur úthlutunum.

Í frétt á heimasíðu Landsvirkjunnar segir að verkefnin séu af margvíslegum toga en eiga það öll sameiginlegt að hafa „breiða samfélagslega skírskotun og möguleika á að hafa jákvæð áhrif á íslenskt samfélag“.

Meðal verkefna sem hlutu styrk í desemberúthlutun voru jólaaðstoð Hjálparstarfs kirkjunnar, Rauða krossins, Mæðrastyrksnefndar og Samhjálpar, endurgerð á sumarhúsi Kjarvals í Fljótsdalshéraði, rannsóknir á smádýralífi í Laxá, Smábæjarleikar UMF Hvatar á Blönduósi, ruslahreinsun á vegum Fjöreggs í Mývatnssveit og fleiri.

Desemberúthlutun Samfélagssjóðs Landsvirkjunar

Jólaaðstoð – Hjálparstarf kirkjunnar	1.000.000
Jólaaðstoð – Rauði krossinn á Íslandi	1.000.000
Jólaaðstoð – Mæðrastyrksnefnd Reykjavíkur	600.000
Frú Ragnheiður – ungmennastuðningur 18-20 ára – Rauði krossinn	500.000
Sumarhús Kjarvals – Minjasafn Austurlands	400.000
Jólaaðstoð – Mæðrastyrksnefnd á Akureyri og Rauði krossinn við Eyjafjörð	300.000
„Fótspor í landslagi“ – Félag íslenskra landslagsarkitekta	300.000
Bergið headspace – Samtök um stuðningssetur fyrir ungt fólk	300.000
Jólaaðstoð – Samhjálp	200.000
Smábæjarleikar Hvatar – Knattspyrnudeild UMF Hvatar Blönduósi	200.000
Smádýralíf í Laxá ofan og neðan Laxárstöðva – Framhaldsskólinn á Laugum	200.000
Uppbygging fimleikastarfs – Ungmennafélagið Hekla	200.000
Ullarvika á Suðurlandi – Þingborg svf	200.000
Ruslahreinsun í Mývatnssveit – Fjöregg	100.000