Völsungar fjölmennir á Norðurlandsmótinu í BocciaÍþróttir - - Lestrar 448
Á Norðurlandsmótinu í Boccia sem haldið var á Akureyri um helgina átti Völsungur hvorki meira né minna en níu lið en keppt var í tveggja manna liðum.
Þeir félagar Kristbjörn Óskarsson og Ásgrímur Sigurðsson náðu bestum árangri í flokki þroska-hamlaðra og komust í úrslit.
Völsungur átti þrjú lið í opnum flokki, tvö frá félagi eldriborgara og eitt frá Bocciadeild Völsungs.
Úrslit í opna flokknum fóru þannig að Egill Þór Valgeirsson og Anna Einarsdóttir úr Eik lentu í 1.sæti, Sigríður Valdimarsdóttir og Jóhann Þórarinsson úr Völsungi í 2.sæti og Völsungarnir Einar Annel Jónasson og Anna María Þórðardóttir lentu í 3.sæti.
Mótið tókst í alla staði vel og endaði að sjálfsögð á lokahófi þar sem verðlauna afhending fór fram. Það var íþróttafélagið Eik sem hélt mótið að þessu sinni en á næsta ári verður það í umsjón Snerpu á Siglufirði.
Þorgeir Baldursson var á mótinu vopnaður myndavél og sendi 640.is meðfylgjandi myndir en með því að smella á þær er hægt að fletta þeim og skoða í hærri upplausn.
Glaðbeittir Völsungar, Kiddi, Lindi, Anna María og Sylgja Rún.
Kristín Magg, Lena Hermannsdóttir og Rut Guðnýjardóttir.
Kiddi Óskars lætur vaða, Ási fylgist vel með.
Bárðdælingurinn Ásgrímur einbeittur á svip.
Olli vandar sig.
Víðir Rósbeeg kom að fylgjast með Olla bróður sínum sem og öðrum Völsungum
Lindi kátur að venju.
Verðlaunaafhendingin á lokahófinu.
Anna María og Einar Annel með verðlaunin.
Einar Annel ánægður með verðlaunin.
Völsungar á lokahófinu.