Verkefnið Öxarfjörður í sókn framlengt um eitt ár - Níu verkefni fengu styrki

Styrkþegar Öxarfjarðar í sókn. Lj. Byggðastofnun.

Stjórn Byggðastofnunar hefur samþykkt beiðni frá verkefnisstjórn Öxarfjarðar í sókn um framlengingu um eitt ár, til lok árs 2020, en áætluð verkefnislok voru árslok 2019. 

Var þá m.a. horft til að vinna að starfsmarkmiðum hafi ekki hafist fyrr en í maí 2016, að fyrsti verkefnisstjóri verkefnisins hafi verið í hlutastarfi á árunum 2016 til 2017 og að verkefnið er er nú að ná betri fótfestu í vestasta hluta byggðarlagsins, þ.e. Kelduhverfi.

Þetta kemur meðal annars fram í góðri þátttöku á íbúafundum, góðum framgangi starfsmarkmiða og í vaxandi fjölda umsókna um styrki úr sjóði Brothættra byggða. Síðast en ekki síst telja verkefnisaðilar að það sé líklegt til að skila miklum árangri að bæta ári við verkefnistímann.

Á heimasíðu Byggðastofnunar segir að á íbúafundi sem haldinn var í Lundi í janúar s.l. fór verkefnisstjórinn, Charlotta Englund, yfir starfsmarkmið verkefnisins. Á fundinum unnu fundargestir í hópum að endurskoðun starfsmarkmiðanna, þ.e. hvort að bæti ætti við starfsmarkmiðum, taka einhver út eða gera á þeim annars konar breytingar. Við lok fundar kusu heimamenn um forgangsröðun starfsmarkmiðanna.

Verkefnisstjórn tók við þessum skilaboðum íbúafundarins og hefur nú unnið úr þeim undir forystu verkefnisstjóra og sett saman í nýtt markmiðaskjal sem finna má hér.

Auglýst var eftir styrkumsóknum í mars úr sjóði verkefnisins. Umsóknarfrestur var til 1. apríl 2016. Til úthlutunar voru 5 milljónir og alls bárust 15 umsóknir. Heildarumfang verkefna er umsóknir lutu að voru rúmlega 96,5 milljónir króna. Sótt var um rúmlega 21,5 milljónir króna.

Úthlutað var styrkjum til 9 verkefna. Verkefnin sem hlutu styrk voru þessi: