Vel heppnuð Sólstöðuhátíð á Kópaskeri

Guðrún fjallkona flutti ljóðið Sólstöðuþula.

Kópaskersbúar héldu sína árlegu bæjarhátíð um helgina og fyrir utan stórglæsilega dagskrá heiðraði blessuð sólin hátíðina með nærveru sinni.

Dagskráin hófst kl. 19:00 á föstudagskvöldi við skólahúsið með ljóðalestri Guðrúnar Kristjánsdóttur fjallkonu en hún flutti ljóðið Sólstöðuþula eftir Ólöfu Sigurðardóttir frá Hlöðum með miklum glæsibrag. 

Í kjölfarið var boðið upp fjölþjóðlegt súpuhlaðborð, grænmetissúpa frá Spáni, og kjötsúpur frá Póllandi og Íslandi, aldeilis gómsætar súpur.

Frábær byrjun á hátíðinni sem lesa má nánar um og sjá myndir á vefnum oxarfjordur.is