Útkrift frá skrifstofuskóla ÞÞAlmennt - - Lestrar 332
Laugardaginn 16. mars komu nemendur Skrifstofuskólans í síðustu námslotuna sína en verkefni dagsins var að kynna lokaverkefnin sín.
Á heimasíðu Þekkingarnets Þingeyinga segir að tilgangur lokaverkefnisins hafi verið að samþætta þá hæfni, leikni og þekkingu sem nemendur höfðu aflað sér í öðrum hlutum námsins til að móta nýja viðskiptahugmynd.
Margar skemmtilegar og frumlegar viðskiptahugmyndir komu fram; Vaskur, Norðursól, Sveitajógúrt og Kjuði í stuði. Þegar kynningu á verkefnunum var lokið og búið að spyrja nemendur spjörunum úr, tók við útskrift úr náminu og að því loknu fór hópurinn saman út að borða.
Á myndinni má sjá nemendur Skrifstofuskólans ásamt teimur af kennurum námsleiðarinnar. Á myndina vantar einn nemanda og þrjá kennara. Ljósmynd hac.is