Tilbrigði við Hálfvitatónleika

Ljótu hálvitarnir á Græna hattinum. Lj. S.G

Ljótu hálfvitarnir verða á Græna hattinum á Akureyri föstudags- og laugardagskvöld og leika lög að eigin vali. 

Það er auðvitað ekkert nýtt, en að þessu sinni fóru Hálfvitar í samkvæmisleik þar sem hver meðlimur valdi tvö lög, algerlega eftir eigin smekk og samvisku segir í tilkynningu. 

Útkoman var prufukeyrð á Rosenberg í byrjun mánaðar og gafst glettilega vel, enda ágætis blanda af sjaldheyrðum b-hliðum og sígrænum smellum. Ábyrgðarlausu gamanmálin milli laga verða á sínum stað.