Þrír skrifa undir samning við meistaraflokk karla

Björn Hákon Sveinsson skrifaði undir eins árs samning, en hann kemur frá Fylki þar sem hann lék síðasta sumar. Björn er uppalinn Húsvíkingur og lék síðast með Völsungi árið 2008 áður en hann skipti yfir í Þór. Björn er reynslumikill leikmaður sem mun nýtast Völsungsliðinu vel í baráttunni í sumar.

Aðalsteinn Jóhann Friðriksson skrifaði undir tveggja ára samning. Aðalsteinn hefur leikið allan sinn feril með Völsungi og hefur leikið 116 leiki fyrir félagið í deild og bikar. Aðalsteinn var eini leikmaður Völsungs síðasliðið sumar sem tók þátt í öllum leikjum liðsins í 2. deildinni.

Halldór Árni Þorgrímsson er ungur og efnilegur markmaður fæddur 1998. Þrátt fyrir ungan aldur að þá tók Halldór þátt í tveimur deildarleikjum síðastliðið sumar ásamt því sem hann lék með 3. flokk félagsins. Halldór skrifaði undir tveggja ára samning við félagið.

Á heimasíðu Völsungs segir að það sé mikil ánægja innan raða Völsungs með að þessir drengir ætli að taka slaginn með liðinu í 3. deildinni í sumar.