21. jún
Sundlaugin í Lundi verður opin í sumarAlmennt - - Lestrar 321
Cordella og Neil.
Rekstraraðilar eru komnir að sundlauginni í Lundi í Öxarfirði og stefnt var að opnun í gær.
Norðurþing hafði um tíma auglýst eftir starfsfólki án árangur og því var ákveðið að auglýsa eftir rekstraraðilum.
Það eru þau Neil og Cordelia sem munu standa vaktina í sumar en þau eru með víðtæka reynslu og hafa meðal annars unnið við leiðsögn við köfun á Íslandi síðastliðin tvö ár.
„Það er mikið ánægjuefni að sundlaugin í Lundi sé opin og í ár og bjóðum við þau velkomin á staðinn,“ segir í fréttatilkynningu en undanfarna daga hefur verið unnið hörðum höndum að undirbúningi opnunarinnar.
Frekari upplýsingar verður að finna á facebook síðu sundlaugarinnar. https://www.facebook.com/sundlauginilundi/?fref=ts
640.is á Facebook