Vatnavextir í Búðará - MyndasyrpaAlmennt - - Lestrar 466
Miklir vatnavextir voru í Búðará í morgun en það rigndi eins og hellt væri úr fötu um tíma.
640.is hitti á Grím Kárason slökkviliðasstjóra Norðurþings rétt fyrir hádegi en þá var hann við þriðja mann að hreinsa slý úr ristunum þar sem áin fer í stokk og niður í fjöru.
Þar stíflaðist allt og áin eins og stöðuvatn á að líta ofan við stífluna sem göngubrúin er á.
Grímur sagði slökkviliðið búið að vera að síðan snemma í morgun við að dæla úr kjöllurum ofl. verkefnum en m.a flæddi inn í kjallara Stjórnsýsluhúsins.
Hér koma myndir sem teknar voru á tólfta tímanum í morgun og með því að smella á þær er hægt að fletta þeim og skoða í hærri upplausn.
Næstu þrjár myndir voru teknar um miðjan daginn þegar vatnsveðrið var í miklum rénum og aðeins byrjað að sjatna í Búðaránni.