Mikley-þekkingasetur opnað með glæsibarg

Mikley-þekkingarsetur var opnað með formlegum hætti í Mývatnssveit 1. nóvember.

Mikley-þekkingasetur opnað með glæsibarg
Almennt - Hafþór Hreiðarsson - Lestrar 279

Arnþrúður (Ditta) ávarpar gesti.
Arnþrúður (Ditta) ávarpar gesti.

Mikley-þekkingarsetur var opnað með formlegum hætti í Mývatnssveit 1. nóvember.

Vel var mætt af heimafólki og mikil stemming fyrir verkefninu.  Arnþrúður Dagsdóttir (Ditta) starfsmaður Þekkingarnetsins hélt utan um dagskrá dagsins í samvinnu við aðra sem starfa í setrinu.

Heimafólk hafði stuttar framsögur um þekkingarsetrið og aðdraganda þess, en auk þeirra ávarpaði Steingrímur J. Sigfússon forseti Alþingis samkomuna fyrir hönd þingmanna kjördæmisins. Veitingar voru að sjálfsögðu af mývetnskum toga.

Tónlistarfólk af svæðinu skemmti gestum (Stefán Jakobsson og Fanney Kristjándsóttir) og svo þvældist auðvitað jólasveinn úr Dimmuborgum innan um gestina.

Starfsfólk og stjórn Þekkingarnets Þingeyinga mætti allt á svæðið og tók þátt. Á heimasíðu þess segir að ekki sé vafi á því að starfsemin í Mikley mun efla þjónustu Þekkingarnets Þingeyinga.


  • Steinsteypir

640.is | Ábyrgðarmaður Hafþór Hreiðarsson | vefstjori@640.is | Sími: 895-6744