Kjör forseta Íslands

Norðurþing: sautjánda fjölmennasta sveitarfélagið.

Í dag fer fram kjör til forseta Íslands. Kjörstaðir á austursvæðinu lokuðu núna síðdegis en kjördeildir eru opnar til kl. 22 í kvöldi á Húsavík. Á kjörskrá í Norðurþingi eru 2126. Á kjörstað á hádegi í dag höfðu 320 einstaklingar eða 15,1% kosið og núna síðdegis 1063 eða 50%. Utankjörfundaratkvæði sem borist hafa í kjördeildir Norðurþings eru 307 eða 14,4%. Kjörsókn klukkan 18 í dag var því 64,4%.

Í Norðurþingi fimm kjördeildir, tvær á Húsavík í Borgarhólsskóla, Skúlagarði í Kelduhverfi, Kópaskeri og Raufarhöfn.

Að sögn Ágústs Óskarssonar formanns yfirkjörstjórnar sem er staðsett á Húsavík hefur framkvæmd kosninganna gengið vel, „veður er milt og fallegt, fólk er í góðu skapi og virðist njóta kjördagsins“, segir hann. Ágúst segir jafnframt að fólk virðist vera nokkuð á ferli um landið því einstaklinga hafi drifið að á kjörstað utan kjördeilda í Norðurþingi. Þannig nýtir fólk rétt sinn að kjósa utan sinnar kjördeildar en innan síns kjördæmis.

Um 25 manns koma að undirbúningi og framkvæmd kosninganna í Norðurþingi.