Gréta Bergrún Jóhannesdóttir fær styrk til doktorsrannsóknar

Gréta Bergrún eftir afhengingu styrksins. Lj. ÞÞ

Gréta Bergrún Jóhannesdóttir starfsmaður Þekkingarnets Þingeyinga, hlaut nýverið styrk úr Jafnréttissjóði til doktorsrannsóknar.

Á heimasíðu ÞÞ segir að stefnt sé að því að rannsóknin verði unnin undir stjórn Háskólans á Akureyri og hefjist komandi haust. 

"Verkefnið fjallar um “áhrif nærsamfélagsins á ungar konur í sjávarbyggðum” þar sem búseta og búferlaflutningar eru í forgrunni. Þekkingarnetið telur sig eiga svolitla hlutdeild í þessu öllu saman, m.a. með því að hafa krækt í Grétu til rannsóknastarfa og byggt upp starfsstöð á Þórshöfn þar sem hún býr og starfar.

Stefnan er því sú að halda í Grétu Bergrúnu eftir sem áður við störf fyrir Þekkingarnetið og er um þessar mundir unnið að því að móta slíkt samstarf um aðkomu rannsóknasviðs Þekkingarnetsins að verkefninu". Segir á heimasíðunni þar sem samstarfsfólkið á Þekkingarnetinu óskar Grétu innilega til hamingju með þetta skref, sem bæði sé ánægjulegt og hvetjandi fyrir fólk sem starfar við þekkingargeirann í hinum dreifðu byggðum landsins.