Gautaborgarfarar fengu treyjur að gjöfAlmennt - - Lestrar 288
Stéttarfélagið Framsýn afhenti sl. föstudagskvöld unglingum í 3. flokki Völsungs og fararstjórum þeirra sem vour á leið til keppni erlendis treyjur að gjöf.
Unglingarnir sem eru á aldrinum 14 til 17 ára voru að leggja í spennandi keppnisferð til Svíþjóðar, nánar tiltekið til Gautaborgar á Gothia Cup.
Fótboltamótið er með stærri alþjóðlegum mótum sem haldin eru fyrir þennan aldurshóp og fara tæplega fjörutíu unglingar og fararstjórar frá Völsungi í ferðina.
Síðustu tvö ár hafa unglingarnir með góðri aðstoð foreldra safnað fyrir ferðinni sem auk þess komu að því að skipuleggja ferðina sem tekur um vikutíma.
Glaðbeittir Gautaborgarfarar.
Ljósmyndin er fengin af heimasíðu Framsýnar en þar má sjá fleiri myndir.