Fjölmenni á hrútasýningu í Skansinum

Verðlaunahrútarnir Brúsi og Bjartur.

Mikið fjölmenni var samankomið í Skansinum við Hvalasafnið á Húsavík í gærkvöldi þegar Fjáreigendafélag Húsavíkur í samráði við Karlakórinn Hreim og Kaðlín handverkshús stóðu fyrir skemmtilegri og þjóðlegri dagskrá á Mærudögum 

Boðið var upp á söng, fallegt handverk og magnaða hrútasýningu sem sveitarrstjóri Norðurþins, Kristján Þór Magnússon stjórnaði af miklum myndarskap.

Eftir hörku og tilfinningaríka keppni úrskurðuðu dómarar keppninnar að hrúturinn Rósi úr Grobbholti, sem sumir kalla Snobbholt, væri fallegasti hrúturinn en hann er tveggja ára hrútur ættaður úr Leifsstöðum úr Öxarfirði.

Hann fékk hins vegar ekki verðlaun kvöldsins heldur hrútarnir Brúsi í eigu Aðalsteins Ólafssonar og Bjartur í eigu Guðrúnar Viðar en þeir stóðu jafnir efstir unghrúta í keppninni.  

Þessi viðburður Mærudaga dregur jafnan að sér fjölda gesta, ekki síst erlendra gesta sem skemmtu sér vel yfir tilburðum gestgjafana frá Húsavík.

Karlakórinn Hreimur söng nokkur lög í Skansinum.

Hvað hefur Guðmundur í Fagraneskoti nú sagt.

Sigurður Ágúst í Skarðaborg og Guðmundur Ágúst í Fagraneskoti dæmdu hrútana sem fyrr.

Hrútasýningin dregur jafnan að sér fjölda gesta.

Gaman á hrútasýningunni.

Handverkshúsið Kaðlín var með tískusýningu.

Fjölmenni í Skansinum á Hrútasýningunni.

Sigurhrútarnir Brúsi og Bjartur ásamt eigendum sýnum. Bræðurnir Trausti og Torfi Aðalsteinssynir halda í hrútana.

Með því að smella á myndirnar er hægt að fletta þeim og skoða í stærri upplausn.