25. mar
Engin hátíðarhöld á Húsavík 1. maíAlmennt - - Lestrar 132
Fram kemur á vef Framsýnar í dag að vegna sóttvarnarreglna hafi stéttarfélögin í Þingeyjarsýslum ákveðið að fella niður formleg hátíðarhöld 1. maí, það er á baráttudegi verkafólks.
Þetta var ákveðið á sameiginlegum fundi félaganna í gær en hátíðarhöldin hafa lengi verið haldin í Íþróttahöllinni á Húsavík.
Þess í stað skora stéttarfélögin á félagsmenn að njóta dagsins í faðmi fjölskyldunnar um leið og menn hafi það í huga að þau réttindi sem við búum við í dag komu ekki af sjálfu sér.
Fyrir þeim börðust forfeður okkar sem við stöndum í þakkarskuld við. Að sjálfsögðu er svo skorað á alla sem það geta að flagga 1. maí.