10. maí
Ársreikningur Þingeyjarsveitar 2016 – Jákvæð rekstrarafkomaAlmennt - - Lestrar 233
Ársreikningur Þingeyjar-sveitar var lagður fram til fyrri umræðu á 215. fundi sveitarstjórnar þann 4. maí sl.
Rekstrarafkoma A og B hluta sveitarsjóðs var jákvæð um 82,6 millj.kr. fyrir fjármagnskostnað en 53,1 millj.kr. eftir fjármagnsliði og afskriftir. Á heildina litið er jákvætt frávik frá áætlun 68 millj.kr. í samanteknum ársreikningi A og B hluta.
Frávikið skýrist af hærri tekjum Jöfnunarsjóðs en áætlað var og aðhaldi í rekstri. Veltufé frá rekstri er 92,7 millj.kr. og handbært fé frá rekstri er 38,5 millj.kr. Skuldahlutfall A og B hluta er 58,3% en var 62,4% árið 2015.
Sveitarstjórn lýsti ánægju sinni með jákvæða rekstrarafkomu og góðan rekstur um leið og hún þakkaði starfsfólki sveitarfélagsins fyrir góðan árangur.
thingeyjarsveit.is
640.is á Facebook