Umfjöllun: ‪Hjössi Hjartar‬ fór illa með sitt gamla lið og skoraði þrennu

Völsungur tapaði 5-0 gegn Víking R. í kvöld en liðin mættust í Lengjubikar karla. Hjörtur Júlíus Hjartarson fór á kostum gegn sínu gamla félagi og skoraði þrennu en einum færri áttu gestirnir fá svör. Völsungar fundu aldrei rétta taktinn og lítil ógn framarlega á vellinum. Niðurstaða leiksins sanngjörn.

Byrjunarlið Völsungs: Dejan Pesic, Sveinbjörn Már (Bergþór Atli Örvarsson '56), Pétur Kling, Gunni Siggi, Sigvaldi Þór, Bergur J, Eyþór Trausta, Gudmundur Óli, Hrannar Björn, Ásgeir S, Dejan Bozicic (Sindri Ingólfsson '11).

Hjörtur byrjaði lætin snemma og var búinn að skora fyrsta markið eftir fjórar mínútur, 1-0. Á 11. mínútu leiksins þurftu Völsungar að gera sína fyrstu skiptingu en Dejan Bozicic slóvenskur framherji sem liðið er að skoða tognaði aftan í læri, Sindri Ingólfs kom inn í hans stað og Ásgeir fór upp á topp.

Annað markið frá Hirti kom svo á 40.mínútu, 2-0, og þannig stóðu leikar í hálfleik.


  Hjörtur Hjartar var óþolandi í kvöld og setti þrjú gegn gamla félaginu

Sveinbjörn Már meiddist eftir högg í fyrri hálfleik og þurfti að yfirgefa völlinn á 56.mínútu en Bergþór Atli Örvarsson kom inn í hans stað. Stuttu síðar minnir Rauði baróninn á sig en Garðar Örn Hinriksson reif upp sitt fræga rauða spjald hátt á loft og sendi Sigvalda Þór í sturtu ranglega þar sem Sigvaldi tók aðeins boltann og fór aldrei í leikmanninn. Hjörtur gulltryggði þrennuna úr vítaspyrnu eftir klukkutíma leik. Fjórum mínútum síðar bæta Víkingur við fjórða markinu og staðan orðin 4-0 þegar 25 mínútur lifðu leiks. Völsungar manni færri og augljóst að framundan væri erfiður loka kafli.

Heimamenn settu svo fimmta og síðasta mark leiksins er korter var eftir og það urðu lokatölur leiksins. Hjörtur Júlíus óþolandi refur sem greinilega kann enn að setjann líkt og honum var kennt að gera hér á Húsavík í kringum 1996. Glórulaus dómur þegar Sissi fær rautt spjald en Garðar Örn hatar ekki rauða spjaldið svo maður var ekki í sjokki þegar hann reif það upp.


Garðar að gefa Balla Kúta rautt fyrir nokkrum árum. Gaf Sissa rautt í kvöld.

Sóknarleikurinn bragðdaufur og lítið gekk en með tilkomu nýs framherja ætti það að lagast til muna. Vörn og miðja náði aldrei takti við leikinn í dag og heilt yfir þurfa allir að skoða vel sinn leik og frá aftasta til fremsta manns.

Brandur Jónsson mætti á völlinn með vélina og tók myndir fyrir okkur. Hér fyrir neðan má sjá nokkrar frá leiknum í kvöld. Þökkum við honum kærlega fyrir myndirnar, Brandmazter