Ingi Þór hættir eftir 44 ár - Daði tekur við

Daði Lange og Ingi Þór. Lj. ÞG.

Ingi Þór Yngvason lætur af störfum um næstu mánaðarmót sem grenjaskytta Skútustaðahrepps eftir 44 ára starf.

Frá þessu greinir á heimasíðu sveitarfélagsins þaðan sem meðfylgjandi mynd er fengin.

Sveitarstjórn Skútustaðahrepps samþykkti á síðasta fundi sínum að skipa Daða Lange Friðriksson sem grenjaskyttu í stað Inga.

Þeir félagar hittust á fundi með sveitarstjóra í morgun þar sem var verið að skipuleggja yfirfærsluna og framhaldið og var myndin tekin af því tilefni.

Sveitarstjórn bókaði á fundi sínum þakklæti til Inga Þórs fyrir ómetanlegt og fórnfúst starf sem hann hefur unnið við meindýra- og vargeyðingu í sveitarfélaginu um áratugaskeið.