Húsavík verður höfuðborg ástarinnar

Trausti hannaði „Ástina“ sem prýðir Samkomuhúsið

Það er spennandi og ástíðufullt leikár framundan hjá Leikfélagi Húsavíkur. Félagið ætlar að setja upp verkið Ást eftir Gísla Örn Garðarsson og Víking Kristjánsson sem sýnt var fyrir fullu húsi í Borgarleikhúsinu fyrir nokkrum árum og hlaut afar góða dóma. Tilfinningin ást er flókið fyrirbæri, hvort sem er milli einstaklinga, ást á mat eða samfélagi en Húsavík verður höfuðborg ástarinnar.