Gjöf til leikskóla Norðurþings

Bryndís Guðmundsdóttir talmeinafræðingur færði nýverið leikskólum Norðurþings gjöf með námsefninu "Lærum og leikum með hljóðin".

Gjöf til leikskóla Norðurþings
Almennt - Hafþór Hreiðarsson - Lestrar 253

Freyja, Ingibjörg Sólveig og Jón.
Freyja, Ingibjörg Sólveig og Jón.

Bryndís Guðmundsdóttir talmeinafræðingur færði nýverið leikskólum Norðurþings  gjöf með námsefninu  "Lærum og leikum með hljóðin".

Námsefninu er ætlað er að bæta framburð barna, auka orðaforða og undirbúa þau fyrir lestur og læsi almennt.

Í tilkynningu á heimasíðu Norðurþings segir að Bryndís hafi starfað í rúmlega 30 ár sem talmeinafræðingur og byggir námsefnið á fagþekkingu talmeinafræðinnar, rannsóknum og reynslu sinni af því að vinna með börnum, foreldrum og fagfólki í skólum.

Efnið hefur hlotið ýmsar viðurkenningar og í samstarfi við IKEA, Lýsi, Marel og hjónin Björgólf Thor og Kristínu Ólafsdóttur mun Bryndís færa öllum leikskólum á Íslandi námsefnið eða um 250 skólum alls.

Það var Freyja Rögnvaldsdóttir sem afhenti gjöfina fyrir hönd Bryndísar og veitti starfsfólk Skólaþjónustu Norðurþings henni viðtöku.

Á meðfylgjandi mynd er Freyja Rögnvaldsdóttir ásamt starfsfólki Skólaþjónustunnar, þeim Ingibjörgu Sigurjónsdóttir sálfræðingi, Sólveigu Mikaelsdóttir sérkennsluráðgjafa og Jóni Höskuldssyni fræðslufulltrúa Norðurþings.


640.is | Ábyrgðarmaður Hafþór Hreiðarsson | vefstjori@640.is | Sími: 895-6744