Fyrirmyndafyrirtæki í Norðurþingi 2019

Á fundi byggðarráðs Norðurþings í morgun komu fyrirtæki í Norðurþingi sem nýverið hafa hlotið eftirsóknarverðar viðurkenningar fyrir árangur og

Fyrirmyndafyrirtæki í Norðurþingi 2019
Almennt - Hafþór Hreiðarsson - Lestrar 398

Á fund byggðarráðs Norðurþings í morgun komu fyrirtæki í Norðurþingi sem nýverið hafa hlotið eftirsóknarverðar viðurkenningar fyrir árangur og frammistöðu í rekstri.

Á heimasíðu Norðurþings segir að á lista Credit Info yfir framúrskarandi fyrirtæki eru - Dodda ehf., Fjallasýn Rúnars Óskarssonar ehf., Trésmiðjan Rein ehf. Curio ehf., Sögin ehf., Garðræktarfélag Reykhverfinga hf. og Hvalasafnið ses.
 
Sjóböðin hlutu nýverið viðurkenningu fyrir að vera Sproti ársins í ferðaþjónustu á Norðurlandi og var það Markaðsstofa Norðurlands sem veitti þá viðurkenningu. Sjóböðin hlutu einnig nýverið Nýsköpunarverðlaun Samtaka ferðaþjónustunnar. Gaman er að geta þess að þau voru veitt í 16. skiptið og hafa þingeysk fyrirtæki fengið þau í fjögur skipti; Sel Hótel árið 2004, Norðursigling árið 2007, Fuglasafn Sigurgeirs árið 2009 og nú Sjóböðin

Hvalaskoðunarfyrirtækið Gentle Giants hlaut þýðingarmikla viðurkenningu frá einu stærsta bókunarfyrirtæki sinnar tegundar í Evrópu – Þýska fyrirtækinu GetYourGuide. Viðurkenningin var fyrir vöruna „Big Whale Safari & Puffins“ í flokknum Water Adventures –og er Gentle Giants eina fyrirtækið á Íslandi sem hlýtur viðurkenningu frá GetYourGuide 2019.

Síðast en alls ekki síst þá hlaut fyrirtækið Curio nýsköpunarverðlaun Íslands.  

Fulltrúar Trésmiðjunnar Reinar ehf., Sagarinnar ehf., Curio ehf., Doddu ehf., Hvalasafnsins ses. og Sjóbaða ehf. mættu á fund byggðarráðs í morgun og tóku á móti blómvendi frá ráðinu. Eftir kaffi og kökur áttu fulltrúar fyrirtækjanna og kjörnir fulltrúar samtal um atvinnumál í sveitarfélaginu.
 

640.is | Ábyrgðarmaður Hafþór Hreiðarsson | vefstjori@640.is | Sími: 895-6744