Fjórir hnúfubakar í fyrstu hvalaskoðunarferð ársins hjá Norðursiglingu

„Þetta var algjörlega frábær ferð í alla staði og virkilega ánægjuleg byrjun á vertíðinni“ sagði Heimir Harðarson, skipstjóri hjá Norðursiglingu, en

Hnúfubakar á Skjálfanda um helgina.
Hnúfubakar á Skjálfanda um helgina.

„Þetta var algjörlega frábær ferð í alla staði og virkilega ánægjuleg byrjun á vertíðinni“ sagði Heimir Harðarson, skipstjóri hjá Norðursiglingu, en fyrirtækið fór í fyrstu hvalaskoðunarferð ársins um helgina.

Í tilkynningu frá Norðursiglingu segir að siglt hafi verið úr höfn á Húsavík á eikarbátnum Náttfara og voru um 20 manns um borð auk áhafnarmeðlima. Aðstæður voru einstaklega góðar, milt veður og gott í sjóinn. Eftirvæntingin var mikil meðal áhafnar og farþega þegar Náttfari lagði af stað og óhætt að segja að Skjálfandaflói hafi tekið vel á móti þeim.

Eftir aðeins um 15 mínútna siglingu birtust hvorki meira né minna en fjórir hnúfubakar og áttu farþegarnir, sem sumir hverjir voru komnir langan veg, vart til orð af hrifningu yfir þessari ótrúlegu upplifun.

„Þetta var hvalaskoðun eins og hún gerist best á Skjálfanda og það um miðjan febrúar! Þetta lofar vissulega góðu með framhaldið“ sagði Heimir sem er að hefja sitt 27. starfsár með Norðursiglingu.

Daglegar hvalaskoðunarferðir Norðursiglingar hefjast mánudaginn 1. mars og er hægt að bóka ferðir á heimasíðu fyrirtækisins www.nordursigling.is

Ljósmynd - Aðsend

Heimir skipstjóri í brúnni.

Ljósmynd - Aðsend

Ljósmynd - Aðsend

Náttfari á Skjálfanda.

Ljósmynd - Aðsend

Hnúfubakur á Skjálfanda.

Ljósmynd - Aðsend

Laura leiðsögumaður á Náttfara.

Ljósmynd - Aðsend

Með því að smella á myndirnar er hægt að fletta þeim og skoða í hærri upplausn.

 


  • Steinsteypir

640.is | Ábyrgðarmaður Hafþór Hreiðarsson | vefstjori@640.is | Sími: 895-6744