Róbert Ragnar nýr þjálfari kvennaliðs Völsungs

Danni á hliðarlínunni í sumar.

Róbert Ragnar Skarphéðinsson hefur verið ráðin þjálfari kvennaliðs Völsungs í knattspyrnu fyrir komandi keppnistímabil. 

Róbert Ragnar, betur þekktur sem Danni, þekkir stelpurnar vel en var hann Jóhanni Pálssyni innan handar á síðasta tímabili.

Einnig hefur hann leikið með Völsungi frá blautu barnsbeini og meðal annars þjálfað lið meistaraflokkks karla á árunum 2006-2007.

Danni lætur því af störfum sem þjálfari 3. flokks karla sem hann hefur stýrt undanfarin tvö ár og Unnar Þór Garðarsson tekur við keflinu þar.