Haukur Valtýsson kjörinn formaður UMFÍ

22. okt

Haukur Valtýsson kjörinn formaður UMFÍ
Íþróttir - - Lestrar 345

Haukur Valtýsson formaður UMFÍ og Helga Guðjónsd.

Haukur Valtýsson frá Akureyri (Nesi í Fnjóskadal) var kjörinn formaður Ungmennafélags Íslands á þingi þess sem haldið var í Vík í Mýrdal um sl. helgi.

Tveir einstaklingar gáfu kost á sér til formennsku en auk Hauks bauð Kristinn Óskar Grétuson sig fram. 107 þingfulltrúar tóku þátt í kjörinu og fékk Haukur 99 atkvæði.

Haukur tekur við formennsku í UMFÍ af Helgu Guðrúnu Guðjónsdóttur sem gegnt hefur formennsku í átta ár.

Frá þessu segir á vef UMFÍ

,,Á þessar stundu er mér efst í huga þakklæti fyrir það traust sem mér sýnt að stýra þessu stóru samtökum næstu tvö árin. Mér er falið ábyrðarfullt verkefni og mikilvægt að því sé sinnt vel. Ég reikna með að fá góða stjórn sem mun standa vel að baki formanni sem og allri hreyfingunni. Ég hlakka til starfsins og vinna með því góða fólki sem er í hreyfingunni,“ er haft eftir Hauk á vef UMFÍ, en hann hefur verið varaformaður UMFÍ sl. fjögur ár.

Eftirtaldir einstaklingar skipa aðalstjórn UMFÍ til næstu tveggja ára. Örn Guðnason, Hrönn Jónsdóttir, Ragnheiður Högnadóttir, Helga Jóhannesdóttir, Gunnar Gunnarsson og Björn Grétar Baldursson (HSÞ).

Rétt kjörnir í varastjórn eru Sigurður Óskar Jónsson, Þorgeir Örn Tryggvason, Guðmundur Sigurbergsson og Kristinn Óskar Grétusson.

Meðfylgjandi mynd er fengin af heimasíðu UMFÍ.is

« Til baka