Þórsnesið með góðan afla
Almennt - sunnudagur 21.desember 2008 - Hafþór Hreiðarsson - Athugasemdir (1)
Þórsnesið leggur úr höfn í fyrradag.
Þórsnesið kom til hafnar um klukkan sex í morgun úr síðasta róðri fyrir jól. Aflinn er tæplega þrjátíu tonn af ufsa sem fengust í einni vitjun. Að sögn Hjalta skipstjóra Hálfdánarsonar fékkst þessi góði afli í netin norðan við Grímsey, á Bennahólnum og víðar.
Bennahóll þessi er norður úr Mánáreyjahryggnum og kenndur við Benjamín heitinn Antonsson skipstjóra á Kolbeinsey ÞH.
Þórsnesið hefur verið á netum undanfarna daga og aðallega lagt sig eftir ufsa.
