Völsungur sigraði KA í Mizunodeild kvenna í gær

Völsungur sigraði KA í Mizunodeild kvenna í gær en leikið var í Íþróttahöllinni á Húsavík.

Völsungur sigraði KA í Mizunodeild kvenna í gær
Íþróttir - - Lestrar 443

Völsungur sigraði KA í Mizunodeild kvenna í gær en leikið var í Íþróttahöllinni á Húsavík.

Leikurinn skipti litlu máli hvað stöðu liða í deildinni varðar, þarna voru að mætast tvö lið sem voru að leika sinn síðasta leik á tímabilinu og því á leið í sumarfrí eftir leikinn.

Það sást kannski vel því að í lið KA vantaði bæði þjálfara liðsins, Filip Szewczyk, sem og uppspilara liðsins Cailu Rose Stapleton en hún var frá vegna veikinda.

Lið Völsungs var hinsvegar staðráðið í því að enda tímabilið með sigri og fór svo að þær sigruðu leikinn nokkuð þæginlega 3-0 (25-15, 25-23, 25-17).

Hér má sjá lokastöðuna í Mizunodeildinnie nVölsungur hafnaði í neðsta sæti með jafnmörg stig og Þróttur R.

blakfrettir.is


  • Herna

640.is | Ábyrgðarmaður Hafþór Hreiðarsson | vefstjori@640.is | Sími: 895-6744