Völsungur kominn upp í 2. deild að nýju

Völsungar leika í 2. deild að nýju. Lj. Friðgeir.

Völsungur tryggði sér sæti í 2. deildinni að nýju í dag þegar þeir sigruðu Berserki sannfærandi 7-1 í Fossvoginum.

Jóhann Þórhallsson fór fyrir gestunum í markaskoruninni en hann skoraði fjögur mörk.

Aðrir markaskorarar Völsungs voru Elvar Baldvinsson, Aðalsteinn Jóhann Friðriksson og afmælisdrengurinn og fyrirliðinn Bjarki Baldvinsson.

Völsungar höfnuðu því í öðru sæti 3. deildar 9 stigum á eftir Magna. 

Friðgeir Bergsteinsson var að sjálfsögðu á leiknum ásamt um 80 manna stuðningsher Völsunga og sendi han 640.is meðfylgjandi myndir. Hafi hann þökk fyrir sendinguna.

Hér fá strákarnir verðlaunapeninga sína um hálsinn.

Jóhann Þórhallsson skoraði fjögur mörk í dag.

Það var vel mætt á leikinn af stuðningsmönnum Völsungs.

Friðgeir fagnaði að sjálfsögðu með þeim og hér er það Róber Ragnar sem stillti sér upp í myndatöku með kappanum.

Og það gerði Arnar Laufdal líka.