Völsungur fær tæpar 3,3 milljónir vegna HM í Rússlandi

15. ágú

Völsungur fær tæpar 3,3 milljónir vegna HM í Rússlandi
Almennt - - Lestrar 512

KSÍ greiðir 200 milljónir króna til aðildarfélaga KSÍ vegna HM í Rússlandi.

Í frétt á heimasíðu KSÍ segir að fjármununum sem veitt er til aðildarfélaga skuli eingöngu varið til knattspyrnutengdra verkefna félaganna.

Völsungur fær 3.273.769 krónur en framlag til aðildarfélaga byggist fyrst og fremst á stöðu meistaraflokks karla og kvenna í deildum sl. 2 ár, 2017 og 2018. Við úthlutun eftir EM 2016 var miðað við árin 2014-2016.

Félögum er skipt upp í tvo flokka. Annars vegar félög í deildarkeppni, sem eru með unglingastarf og hins vegar félög sem ekki standa fyrir barna- og unglingastarfi. Félögin með unglingastarf, sem eru alls 47, fá liðlega 198,5 mkr. sem skiptast eftir gefnum stigum sem miðast við stöðu í deildum á áðurnefndu tímabili. Félögum án unglingastarfs, sem eru 30, er úthlutað alls tæplega 1,7 mkr. Aðferðafræðin er því sambærileg því sem viðhöfð var árið 2016.

Þeir fjármunir sem nú skila sér til knattspyrnufélaga á Íslandi skipta aðildarfélögin verulegu máli. Stjórn KSÍ væntir þess að þeim verði ráðstafað til verkefna sem skili bættu starfi til lengri tíma.

Listi yfir öll félögin sem eru með unglingastarf: