Völsungar komu heim með sex stig í farteskinuÍþróttir - - Lestrar 340
Völsungsstúlkur gerðu góða ferð suður yfir heiðar um helgina þar sem þær spiluðu tvo leiki í 1.deild Íslandsmótsins í blaki.
Þær sigruðu báða leikina nokkuð örugglega og komu heim með sex stig í farteskinu
Hið unga lið Völsungs situr nú á toppi deildarinnar með 21 stig eftir átta leiki.
Kristey Hallsdóttir átti stórleik gegn Aftureldingu B.
Á föstudagskvöldinu lék liðið við Aftureldingu-B og sigraði 3-0 þar sem uppspilarinn stórefnilegi Kristey Hallsdóttir átti mjög góðan leik. Hún stýrði frábærum sóknaleik liðsins þar sem Tamara Kaposi-Pető og Sigrún Marta Jónsdóttir voru stigahæstar. Tamara var með 18 stig og Sigrún Marta með 10 stig.
Á laugardaginn var leikið við reynslumikið lið Ýmis og vannst sá leikur 3-1. Stigahæstar voru Tamara með 27 stig og Heiðdís Edda Lúðvíksdóttir með 14 stig.
Næsti leikur er bikarleikur, Lið Álftaness kemur í heimsókn til Húsavíkur nk. laugardag 6. mars og hefst leikurinn kl. 15.00.
Stelpurnar treysta á öflugan stuðning þar sem sæti í undanúrslitum bikar-keppni BLÍ er í boði fyrir sigurliðið !
Áfram Völsungur